Familjarët e një 38-vjeçari shqiptar, i cili jeton në Duisburg të Gjermanisë, kanë ngritur alarmin për zhdukjen e tij dhe kanë kërkuar ndihmë për ta gjetur.
Bëhet fjalë për Shkëlzen Kocin, i cili ka humbur çdo kontakt me familjen që prej datës 9 korrik. Ai është parë për herë të fundit në Duisburg dhe që prej asaj dite nuk dihet asgjë për vendndodhjen e tij.
Familjarët bëjnë me dije se Shkëlzeni nuk ka pasur telefon me vete, çka e ka vështirësuar edhe më shumë gjetjen e tij. Ata kanë denoncuar menjëherë në polici zhdukjen e 38-vjeçarit, ndërsa autoritetet gjermane vijojnë kërkimet.
Në një mesazh për JOQ Albania, familja dhe të afërmit u bëjnë thirrje të gjithë qytetarëve që, nëse e kanë parë ose kanë ndonjë informacion që mund të ndihmojë në gjetjen e tij, të kontaktojnë menjëherë familjen ose të njoftojnë policinë.
Familja ka lënë në dispozicion numrin e kontaktit: +49 163 9567509.
Sondazh
Lexo gjithashtu
