Profesoresha Dorina Hoxha është pezulluar nga detyra si Dekane e Fakultetit të Drejtësisë, me një urdhër që po konsiderohet si i paprecedentë, i cili mban datën 20 Maj dhe është firmosur nga Rektori Artan Hoxha.
Në të thuhet se duke qenë se Dorina Hoxha ka shprehur interesin për të kandiduar për postin e anëtares së Këshillit të Lartë Gjyqësor, ajo pezullohet nga detyra dhe të gjitha kompetencat i kanë kaluar profesor Skënder Kaçupit.
Rasti ka ngritur dyshime mbi një precedent të rrezikshëm që vë në pikëpyetje autonominë universitare, sepse universiteti nuk mund të funksionojë si pronë private e rektorit.
"Pezullimi është arbitrar, i pambështetur ligjërisht, sepse mund të ndodhë vetëm kur arrestohet dekani apo procedohet penalisht", shkruan llogaria e njohur në rrjetet sociale "Lolita", e cila ka siguruar dhe urdhrin e Artan Hoxhës.
Shqetësim ka krijuar dhe fakti se në vend që kompetencat t'i merrte zëvendësdekani i Fakultetit të Drejtësisë, ajo i janë deleguar një profesori të nderuar, por që për shkak të moshës nuk mund të ushtrojë një detyrë "part-time".
Sondazh
Lexo gjithashtu
