Të tjera detaje janë zbuluar nga megaoperacioni i nisur me urdhër të Prokurorisë së Posaçme kundër Korrupsionit dhe Krimit të Organizuar për kapjen e kontigjentëve të krimit. Burime për mediat bëjnë me dije se SPAK ka lëshuar 50 urdhër-arreste.
Mësohet se prokurorë të çështjes janë Alfred Shehu dhe vetë kreu i SPAK Altin Dumani. Këto urdhër-arreste janë lëshuar pas zbërthimit të aplikacionit Sky Ecc.
Sipas asaj që është bërë me dije deri më tani nga burimet, mësohet se urdhër-arrestet janë lëshuar për vëllezërit Astrit dhe Altin Avdylaj dhe Durim e Valter Bami.
Këta dy të fundit dyshohet se ndodhen në Dubai, ndërsa efektivët e policisë mëngjesin e sotëm kanë kontrolluar banesat e tyre në Nikël.
Urdhër-arrestet që janë bërë me dije deri tani:
-Erlis dhe Leonard Duka
-Astrit dhe Altin Avdylaj
-Durim e Valter Bami
Lidhur me këtë operacion priten më tepër detaje në vijim si dhe një reagim zyrtar nga organet përkatëse!
Sondazh
Lexo gjithashtu
