Një aksident i rëndë me pasojë vdekjen është regjistruar në aksin rrugor Përrënjas-Librazhd ku një kamion me targa të Shkupit është përplasur me një tjetër automjet.
Aksidenti mësohet të ketë ndodhur pak pas mesnate rreth orës 00:10 minuta ku një mjet i tipit Benz që po drejtohej nga 34-vjeçari Zef Sinani, është përplasur me kamionin, që drejtohet nga një shtetas nga Maqedonia e Veriut.
Si pasojë e përplasjes, sipas raportimeve të Panorama, në vendngjarje ka humbur jetën një grua ndërsa ka mbetur i plagosur rëndë shoferi Zef Sinani. Fillimisht 34-vjeçari është transportuar me urgjencë në spitalin e Librazhdit e më pas është dërguar në Spitalin Rajonal të Elbasanit.
Shaku kryesor për shkaktimin e këtij aksidenti, dyshohet të ketë qenë lëvizja me shpejtësi tej normave të lejuara. Për të hedhur më shumë dritë mbi këtë ngjarje, pritet një reagim zyrtar nga Policia.
Sondazh
Lexo gjithashtu
