Foto nga aksidenti
Një aksident i rëndë ka ndodhur mbrëmjen e kësaj të mërkure në aksin Fushë Krujë-Tiranë, pranë kryqëzimit të Niklës.
Sipas informacioneve paraprake, në aksident janë përfshirë tre automjete, një fuoristradë tip Mercedes-Benz dhe dy autovetura.
Si pasojë e përplasjes, tre persona kanë mbetur të plagosur dhe janë transportuar me urgjencë drejt Spitalit të Traumës në Tiranë, ku po marrin ndihmë mjekësore.
Paraprakisht dyshohet se shkak i aksidentit ka qenë ndërprerja e rrugës nga drejtuesi i fuoristradës, duke shkaktuar përplasjen me dy automjetet e tjera.
Në vendngjarje ndodhen shërbimet e policisë dhe grupi hetimor, të cilët po punojnë për zbardhjen e plotë të rrethanave dhe shkaqeve të aksidentit.
Sondazh
Poll
Lexo gjithashtu
