Ministria e Mbrojtes ka konfirmuar sulmin në Uzinën ushtarake të Gramshit, mbrëmjen e sotme ku tre shtetas të huaj me pasaporta ruse dhe ukrainase janë kapur gjatë tentativës për të hyrë brenda.
Rusët, që dyshohet se kishin dy ditë që monitoronin zonën, janë konfrontuar me ushtarët shqiptarë, duke sulmuar me lëndë kimike dy prej tyre.
Reagimi i Ministrisë së Mbrotjes:
Një incident ka ndodhur mbrëmjen e sotme në Uzinën ushtarake në Gramsh. Tre shtetas me pasaporta ruse dhe ukrainase kanë tentuar të hyjnë në uzinë. Menjëherë kanë reaguar efektivët që ishin në ruajtje të uzinës, por gjatë përpjekjeve për t’i ndaluar 3 shtetasit e huaj janë lënduar dy ushtarakët tanë, të cilët janë nën kujdesin e mjekëve në spitalin e Traumës në Tiranë.
Shtetasit e huaj janë ndaluar nga autoritetet, ndërsa vijojnë hetimet për të zbardhur rrethanat e ngjarjes.
Gjendja shëndetësore e dy ushtarakevë shqiptarë është e stabilizuar.
Sondazh
Lexo gjithashtu
