Mbrëmjen e sotme Kosova përballet me Turqinë për të siguruar një vend në Botëror, ndërsa urimi për fitore ka ardhur dhe nga presidenti i Shqipërisë, Bajram Begaj.
Përmes një postimi të ndarë në rrjet, Begaj u ka uruar fitoren futbollistëve të kombëtares së Kosovës.
“Me zemër në Prishtinë. Forca, Kosovë”, shkroi Begaj në postimin e tij.
Kosova do të përballet mbrëmjen e sotme me Turqinë, në kuadër të finales së madhe të “play-off” të Botërorit 2026.
Sfida që do të zhvillohet në stadiumin “Fadil Vokrri” të Prishtinës, do të nisë në orën 20:45. Triumfi do të thotë “biletë” për në Kupën e Botës, e cila do të luhet këtë verë në 3 shtete, SHBA, Meksikë dhe Kanada.
-
SPECIALE/ 10 arsyet pse KOSOVA fiton sonte kundër Turqisë
31 Mars, 15:35
Ndërkohë që pak orë para kësaj ndeshje, Newsport.al ka bërë një analizë të shkurtër, duke renditur edhe arsyet se pse “Dardanët” do të mund të triumfojnë përballë turqve. Në një sfidë e cila është e gjitha për t’u shijuar, mësoni se përse Kosova mund të dalë nga stadiumi “Fadil Vokrri” me “fitoren në xhep” përballë ekipit përfaqësues turk.
Sondazh
Lexo gjithashtu
