Siçilia këtë fundjavë është kthyer në skenën më të përfolur të botës së shoëbiz-it ndërkombëtar, teksa duket se një pjesë e mirë e Hollyëood-it dhe industrisë së muzikës janë mbledhur në Palermo për dasmën e këngëtares së njohur Dua Lipa dhe aktorit Callum Turner.
Çifti i cili sipas raportimeve është martuar fillimisht në një ceremoni intime civile në Londër javën e kaluar, ka vijuar festimet në Itali me një organizim më të madh për miqtë e ngushtë dhe familjarët. Të premten, ata pritën të ftuarit në një darkë mirëseardhjeje në Palermo, duke shënuar nisjen e një fundjave të mbushur me evente festive.
Dua Lipa u shfaq në këtë mbrëmje me një fustan elegant me thekë nga Bottega Veneta, duke tërhequr menjëherë vëmendjen e mediave dhe të pranishmëve.
Burime pranë organizimit bëjnë me dije se në festime kanë marrë pjesë rreth 300 persona, ndërsa buxheti i përgjithshëm i eventit vlerësohet në rreth 1.73 milionë dollarë. Organizimi ka përfshirë akomodim luksoz, masa të rrepta sigurie, transport privat dhe një sërë aktivitetesh të shpërndara përgjatë disa ditëve festive.
Sipas raportimeve të mediave ndërkombëtare dhe përmbledhjes së bërë nga Harper’s Bazaar, lista e të ftuarve përfshin disa prej emrave më të njohur të muzikës, filmit dhe modës.
Mes tyre janë këngëtarja Charli XCX dhe bashkëshorti i saj George Daniel, bateristi i grupit The 1975. Miqësia mes Charli XCX dhe Dua Lipës është e hershme dhe e konsoliduar, e forcuar edhe përmes bashkëpunimeve muzikore ndër vite.
Në festime është parë gjithashtu këngëtari Troye Sivan, i cili ka një histori të gjatë bashkëpunimesh dhe paraqitjesh të përbashkëta me Dua Lipën, përfshirë turneun e vitit 2016 dhe remix-e të ndryshme muzikore.
Në mesin e të ftuarve ishte edhe aktori Joe Alëyn, i cili raportohet se ka krijuar miqësi me Callum Turner pas bashkëpunimit të tyre në projektin filmik “The Last Letter From Your Lover”.
Nga bota e modës, vëmendje të veçantë mori prania e stilistes italiane Donatella Versace, e cila është parë duke përqafuar Dua Lipën gjatë festimeve. Marrëdhënia mes tyre është e njohur prej kohësh, ku këngëtarja ka qenë shpesh fytyrë e fushatave të Versace-s dhe bashkëpunëtore në projekte kreative, përfshirë koleksionin “La Vacanza”.
Ndër të ftuarit u panë gjithashtu producenti Mark Ronson dhe bashkëshortja e tij, Grace Gummer, të cilët udhëtuan drejt Siçilisë për të marrë pjesë në festime. Ronson dhe Dua Lipa kanë bashkëpunuar më herët në projekte muzikore me sukses ndërkombëtar, përfshirë këngën “Dance the Night” nga kolona zanore e filmit “Barbie”.
Një nga momentet më të komentuara të festimeve ka qenë performanca speciale e artistit legjendar Elton John, i cili ka interpretuar disa nga hitet e tij për çiftin, duke krijuar një atmosferë emocionale dhe të paharrueshme për të pranishmit.
Nga ana tjetër, mediat raportojnë edhe për reagime të ndryshme nga banorët lokalë në Palermo. Për shkak të masave të shtuara të sigurisë dhe kufizimeve të trafikut gjatë ditëve të eventit, disa banorë kanë shprehur shqetësime. Megjithatë, një pjesë tjetër e komunitetit e ka parë këtë ngjarje si një promovim të madh për qytetin dhe turizmin lokal.
Detajet rreth Dua Lipës dhe Callum Turner Dasma në Siçili
Lipa dhe Turner bënë betimet e tyre në Villa Valguarnera, një rezidencë popullore e shekullit të 18-të, në orët e mbrëmjes para të gjithë të ftuarve të tyre. Një deklaratë nga raporti thoshte se ishte "dasma e vitit" dhe se ishte "dasma më e rëndësishme në Siçili që nga ajo e Michael Corleone-s".
Si ishte menuja në dasmën e Calum Turner dhe Dua Lipës?
Sipas raportit, çifti zgjodhi të mbante kuzhinën lokale të dasmës dhe punësoi shefin e kuzhinës me yll Michelin, Tony Lo Coco, për të përgatitur eventin. Në kuzhinë u përfshinë pjata të tilla si anelletti alla Norma, panelle dhe crocché, së bashku me cassate dhe cannoli.
