Pas një muaji agjërim duke sakrifikuar ndaj Zotit, në këtë muaj Ramazani, sot kremtohet festa më e rëndësishme e besimtarëve myslimanë, Fitër Bajrami ose njohur ndryshe si Bajrami i Madh.
Për të gjithë myslimanët në mbarë botën kjo festë shënon shpërndarjen e lëmoshave me të varfërit, në mënyrë që të gjithë të kenë mundësi të festojnë së bashku Bajramin.
Ramazani është muaji i nëntë i kalendarit islamik, i njohur si periudha më e shenjtë për besimtarët myslimanë, e dedikuar agjërimit, lutjes dhe reflektimit shpirtëror. Sot, më 19 mars 2026, shënohet fundi i këtij muaji të shenjtë.
Disa nga karakteristikat kryesore të Ramazanit janë: Agjërimi, ku besimtarët përmbahen nga ushqimi dhe pija nga agimi deri në perëndim të diellit (iftari). Ky muaj konsiderohet si muaji i Kuranit, pasi gjatë kësaj periudhe sipas besimtarëve myslimanë nisi shpallja hyjnore. Gjithashtu gjatë kësaj kohë myslimanët duhet të japin “sadakanë”, pra të bëjnë bamirësi.
Festa e Fitër Bajramit, nis që në agimin e ditës me pastrimin ritual dhe veshjen e rrobave më të mira. Më pas përgjithësisht burrat dhe djemtë mblidhen në sheshet kryesore apo në xhami rreth orës 06:30 për faljen e namazit, ndërsa gratë përgatisin shtëpinë për pritjen e miqve, duke u siguruar që asnjë i varfër të mos mbetet pa festuar përmes dhënies së Sadakasë së Fitrit.
Në qendër të festës është dreka e bollshme familjare, ku gatuhet mish i pjekur, dhe një ëmbëlsirë tipike si hallvë ose bakllava. Po ashtu një tjetër traditë është që fëmijët marrin dhurata apo para (harxhllëk) nga të moshuarit.
Sondazh
Lexo gjithashtu
Lirohen 19 protestuesit!
Shuhet Koço Qëndro!
Kryeministri i Moldavisë jep DORËHEQJEN!
Partia Demokratike me kryesi të re!
Dy vite pa të madhin Kadare!
Cakrani "braktis" Metën!
30 ditë “Revolucioni Flamingo”!
Një vit pa Dashamir Dinin!
Ikballe Berisha person "non grata" në Shqipëri
17 vite pa Michael Jackson!
Starmer largohet nga pushteti!
