Një person dyshohet se është vrarë brenda kampit të Muxhahedinëve në Manëz të Durrësit, gjatë kontrollit të befasishëm Policisë së Shtetit.
Deklaratën e ka bërë zëdhënësi i kampit “Ashraf 3”, duke deklaruar se një person është vrarë nga efektivët e Policisë së Shtetit gjatë kontrollit në këtë kamp.
Gjithashtu raportohet se të paktën katër persona të tjerë kanë mbetur të plagosur. Dyshimet e para janë se personat nuk kanë pranuar të lejojnë kontrollin nga forcat e policisë dhe ato anti-terror, duke mos lejuar sekuestrimin e dokumenteve dhe pajisjeve elektronike.
Kontrolli në kampin e muxhahedinëve është urdhëruar nga Prokuroria e Posaçme, SPAK.
Zëdhënësi i kampit të MEK, Shahriar Kia ka fajësuar policinë për vrasjen e një personi brenda kampit si dhe ka kundërshtuar kontrollin duke thënë se po i bën favor regjimit të Iranit.
Sakaq, të kontaktuar nga Newsbomb.al zyrtarë të Policisë së Shtetit kanë mohuar ngjarjen dhe pretendimet e anëtarëve të MEK, duke i quajtur si të pavërteta.
“Një banor i Ashrafit u vra nga sulmi i policisë.
Ky veprim është vetëm për të qetësuar mullahët iranianë që po bien. Ky aksion është i ngjashëm me atë të 17 qershorit që u zhvillua në Paris, por ky shtë në kufirin e Shqipërisë.
Ky është një nga ditët më të zeza në Shqipëri. Ajo që ju shkrova nuk është qëndrimi zyrtar i autoriteteve të Ashrafit, por ajo që thonë banorët e Ashrafit”, është shprehur zëdhënësi i kampit të MEK.
LEXO EDHE:
Sondazh
Lexo gjithashtu
