Është përkeqësuar gjendja shëndetësore e Marjola Myrtollarin, e cila u masakrua me thikë nga bashkëshorti i saj.
38-vjeçarja është qëlluar barbarisht me thikë nga bashkëshorti i saj, tashmë i shpallur në kërkim, Aleko Myrtollari 46 vjeç.
Ngjarja ka ndodhur ditën e djeshme, 38-vjeçarja është në gjendje të rëndë, por sot është përkeqësuar dhe për këtë është nisur me helikopter nga Korça për në spitalin e Traumës.
“Më datë 04.06.2023, rreth orës 22:00, në lagjen nr.10, Korçë, në banesë shtetasi A. M., rreth 46 vjeç, ka plagosur me mjet të mprehtë (thikë) bashkëshorten e tij shtetasen M. M., rreth 38 vjeçe, e cila ndodhet në spitalin e Korçës, në gjendje të rëndë shëndetësore”, njoftoi Policia e Korçës për ngjarjen.
Çifti kishte tre fëmijë dhe vetëm muajin e fundit ishin zhvendosur në Korçë, ku jetonin me qira në lagjen nr.10 të qytetit. Ata kishin jetuar më parë në Tiranë.
Banorët e lagjes janë shprehur për mediat se nuk i njihnin, as Aleko Myrtollarin dhe as të plagosurën, gruan e tij Marjola Myrtollari, pasi ata ishin të rinj në zonë. Megjithatë, ata kanë thënë se autori i shpallur në kërkim konsumonte shpesh alkool dhe qëndronte i dehur.
Para se të masakronte me thikë gruan e tij, 46 vjeçari ka larguar tre fëmijët nga shtëpia. Në debat e sipër, ai e ka qëlluar Marjolla Myrtollarin disa herë me thikë dhe është larguar nga shtëpia. 38 vjeçarja është dërguar me urgjencë në spital dhe për shkak të plagëve të shumta me thikë, është në gjendje të rëndë për jetën.
Çifti, Aleko dhe Marjolla Myrtollari
Sondazh
Lexo gjithashtu
