Sekretari i Përgjithshëm i Partisë Demokratike, Flamur Noka, ka komentuar bashkëpunimin mes grupit të Enkelejd Alibeajt dhe Sali Berishës për të dalë me një kandidat të përbashkët në zgjedhjet lokale.
Ai i ka bërë thirrje kreut të Grupit Parlamentar të PD, Enkelejd Alibeaj, që të tërheqë padinë, pasi kjo sipas tij kjo do jetë një sinjal për bashkimin e demokratëve dhe se do të jenë bashkë për një qëllim: atë të përballjes me regjimin e Edi Ramës.
Noka u shpreh se kurrë nuk është vonë, ndërsa ka vlerësuar reflektimin e kolegëve të tij demokratë nga grupi i Alibeajt.
Flamur Noka: Për ndarjen territoriale, reformën zjedhore dhe për zgjedhjet lokale të jemi të unifikuar. Është një kërkesë e imja, ditën e enjte i kanë shkuar në tavolinë Alibeajt. Ka qenë zonja Dhurata Çupi dhe një nga këshilltarët, Patrik Sadikaj.
Keni marrë përgjigje?
Flamur Noka: Për momentin mora refuzim por koha për të reflektuar është gjithmonë dhe çfarë shoh kanë reflektuar dhe i falenderoj.
I pyetur se nga nis procesi i bashkimit të demokratëve, nga tërheqja e padisë apo ulja për të nxjerrë kandidatë të përbashkët në vendore, ai dha këtë përgjigje:
Flamur Noka: Tërheqja e padisë është rruga e vetme për tu dhënë sinjal të qartë demokratëve që bashkohen dhe jemi bashkë me një qëllim për tu përballur me Edi Ramën dhe regjimin e tij. Por sigurisht ka kohë gjithmonë. Mirëpresim kontributin e çdo kujt. Alibeajt i kam kërkuar të enjten këtë gjë: agjenda e demokratëve është interes i gjithë demokratëve dhe të ulemi të bisedojmë.
Sondazh
Lexo gjithashtu
