Hapësire reklamuese

Aktualitet

Sot seanca në GJKKO për kokainën e kapur në Durrës, sëmuret babai i Arbër Çekajt, SPAK kërkon “arrest shtëpie”

Shkruar nga Newsbomb
Sot seanca në GJKKO për kokainën e kapur në Durrës,

Është zhvilluar sot seanca gjyqësore ndaj të pandehurit Selim Çekaj, i cili u arrestua pas gjetjes së 49 kg kokainë në kontenierin me banane që ai kishte porositur.  

Prokuroria e Posaçme kundër Krimit dhe Korrupsionit (SPAK) ka kërkuar masën e sigurisë “arrest shtëpie” për 72-vjeçarin, Çekaj me arsyetimin se nga të dhënat e deritanishme nuk ka prova që ai të jetë i përfshirë në çështjet e trafikut të drogës.

Sipas prokurorit, deri në përfundim të hetimeve, Çekaj duhet të qëndrojë në “arrest shtëpie”.

Burime bëjnë me dije se babai i Arbër Çekajt, Selim Çekaj ka shfaqur probleme shëndetësore gjatë seancës.

Selim Cekaj është pronar i kompanisë së bananeve “Ecoalmax” në kontenierin e së cilës u kapën 49 kg kokainë e ardhur nga Ekuadori, vend nga ku ishte nisur dhe ngarkesa me banane.

Selim Çekaj është babai i Arbër Çekajt, pronarit të kompanisë së bananeve “Arbri Garden” që u kap 3 vite më parë në Maminas me 613 kg kokainë.

Kjo sasi e madhe droge ishte fshehur mes konteinerëve me banane. E njëjta skemë është ndjekur dhe këtë herë nga babai i tij, Selim Çekaj.

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.