Kryeministri Edi Rama dhe ish-kryeministri Sali Berisha janë mbrëmjen e sotme në dy prej televizioneve kryesore të vendit, duke ju folur shqiptarëve për ngjarjet e fundit politike dhe jo vetëm.
Të dy në "prime time", por kë po ndjekin shqiptarët?!
Siç shihet nga këto pamje që sjell newsbomb.al, por që mund të konfirmohen dhe në transmetimin live në Facebook në llogaritë e të dy politikanëve të lartë të vendit, Edi Rama kryeson bindshëm përballjen televizive.
Më shumë se 7.5 mijë qytetarë janë duke e ndjekur atë drejtpërdrejt në televizionin Klan, përballë gazetarit Blendi Fevziu, teksa kryeministri jep shpjegime për atentatin në Shkodër, arrestimin e Ilir Metës dhe "gjuetinë" e SPAK në kabinetin e tij.
Ndërkohë, dukshëm më e ulët audienca është në llogarinë e Sali Berishës. Më shumë se 1.7 mijë qytetarë po e ndjekin atë live në televizionin Top Channel me Grida Dumën, por ata nuk i kalojnë 2.000 ndjekës.
Pasditen e kësaj të enjte, si Edi Rama ashtu dhe Sali Berisha kanë ndarë me ndjekësit e tyre lajmin se në mbrëmje do të ishin drejtpërdrejt për të folur për aspekte të caktuara të qeverisjes dhe opozitës.
© Newsbomb.al


