Kryeministri Edi Rama këtë të premte zhvilloi një takim me banorët e Zvërnecit, lidhur me investimin që pritet të realizohet në këtë zonë.
Gjatë takimit nuk munguan debatet, teksa një prej banorëve u përplas me kreun e qeverisë për çështjen e pronave dhe përgjegjësinë e shtetit në procesin e tjetërsimit të tyre.
Banori akuzoi institucionet shtetërore se nuk kanë respektuar ligjin dhe se përgjegjësia për problemet e pronësisë bie mbi shtetin.
Ndërsa Rama iu përgjigj se marrëdhëniet juridike dhe të pronësisë bazohen mbi dokumentacionin ligjor dhe se konfliktet për pronën zgjidhen në rrugë ligjore.
Debati:
Banori: Besoj se jeni në dijeni, se është një problem pak kompleks, këtu është problemi. Fajin e ka shteti që nuk e respekton atë ligj.
Rama: Jo se ti nuk ke të drejtë, por unë kam ardhur këtu që të përgjigjem dhe, nëse do të më kishit zgjedhur më parë, por unë përgjigjem vetëm për pas vitit 2013.
Banori: Po për atë tjetrën? Kush do ta paguajë?
Rama: Atë tjetrën më thuaj si zgjidhet.
Banori: Ai e shiti dhe ky tjetri e bleu, por si e bleu?
Rama: Me mirëbesim.
Banori: Si me mirëbesim? Se unë kur shkoj e blej një shtëpi, shoh edhe nëse nuk ka paguar dritat. Po ai si e bleu kur e dinte se ka probleme me pronësinë dhe është e grabitur? Ai duhet të paguajë.
Rama: Ta shpjegoj unë. Marrëdhëniet juridike dhe të pronësisë bazohen në letra. E marrim se ti ke një shtëpi me letra dhe vëllezërit e tu të kanë hedhur në gjyq, dhe ata thonë që të ka bërë babai lanet…
Banori: Nuk ka lidhje, problemin dua që të ma zgjidhë shteti, është faji i tij.
Rama: Po nuk e ke në kadastër.
Banori: Ta sjell unë! Kam që në 2006 që bredh në gjykata, por atë zgjidhje duhet ta bëjë shteti me AMTP. Kjo është grabitje.
Rama: Po, s’po të them që nuk është grabitje. Në 2006 ti ke një titull pronësie, problemi është se ne nuk e kemi me Kushtetutën… Po më lër të flas, se nuk bëhet ky muhabet kështu.
Sondazh
Lexo gjithashtu
