Sekretarja për Marrëdhëniet me Publikun në Partinë e Lirisë, Silva Caka, ka sulmuar kreun e SPAK, Arben Kraja, pas kërkesës drejtuar KQZ-së, për formularin e dekriminalizimit të Ilir Metës.
Në një postim në Facebook, Caka shkruan se Ilir Rexhep Metaj ka kaluar Vetting-un e njerëzve që e kanë vlerësuar në 30 vitet e tij në politikën më aktive.
Referuar kërkesës së SPAK për Gjendjen Civile për të dhënat e Ilir Metës në bazë të hetimit të nisur për të, ish-deputetja Caka pyet” ‘ky hetuesi i komunizmit i ka verifikuar gjeneralitetet e tij?”.
“Ky hetuesi i komunizmit, i ka verifikuar gjeneralitetet e tij? Ilir Rexhep Metaj ka kaluar Vetting-un e njerëzve që e kanë vlerësuar në 30 vitet e tij në politikën më aktive dhe nuk ka nevojë t’ia bëjë verifikimin Beni i komunizmit. Merru me inceneratorët Beni dhe mëso të ecësh vetë, jo me hapat e Taos dhe Edvinit që i ndërron gjeneralitetet dhe kartelat sipas volisë”, shkruan Caka.
