Një 20-vjeçar shqiptar është vrarë me armë zjarri brenda banesës së tij në Ponte dell’Olio, në provincën e Piacenza, Itali.
Ndonëse është dërguar në spital i riu, identiteti i të cilit nuk bëhet i ditur ka humbur jetën gjatë transportit me ambulancë. Ngjarja ka ndodhur mbrëmjen e djeshme dhe kanë qenë fqinjët ata që kanë lajmëruar Policinë, pasi kanë dëgjuar të shtënat e armës dhe ulërimat që vinin nga apartamenti i viktimës.
Policia ka arrestuar një person si autor i dyshuar i krimit, që ndodhej në banesë me të riun në momentin e ngjarjes. Ai qëndroi i bllokuar në apartament për disa orë para se të dorëzohej dhe t’i hapte derën karabinierëve. Autoritetet italiane kanë nisur hetimet për zbardhjen e ngjarjes që çuan në vrasjen e të riut shqiptar.
Sondazh
Lexo gjithashtu
