Tre persona janë vrarë dhe katër të tjerë janë plagosur rëndë në një sulm me thikë në qytetin perëndimor gjerman të Solingenit, teksa qyteti industrial po festonte 650 vjetorin e themelimit.
Sipas mediave të huaja, rreth orës 21:45 të së premtes mbrëma, një burrë filloi të godiste me thikë rastësisht pjesëmarrësit në festival, ndërsa mësohet se autori është ende i lirë.
Aksioni i policisë nisi menjëherë pas sulmit në Festivalin e Diversitetit në sheshin qendror Fronhof në qytet, i cili është vetëm disa milje nga Dusseldorf.
Gjatë një shfaqjeje të gjallë të yllit botëror Solingen, DJ Topic, një nga organizatorët thuhet se doli në skenë për të anuluar ngjarjen dhe i tha turmës të fillonte të lironte zonën.
Mediat lokale folën me një dëshmitar okular, i cili tha se ishte gjatë setit të këngëtares Suzan Köcher kur ai pa një person të rrëzuar vetëm një metër larg.
Lars Breitzke mendoi se ishte një person i dehur, por duke vënë re shprehjen e tronditjes në fytyrën e këngëtarit, ai u kthye dhe pa disa të tjerë në dysheme mes pellgjeve të gjakut. I dyshuari thuhet se ka sulmuar të pranishmit që ndodheshin para skenës ku po këndonte këngëtari. direkt para skenës.
Sulmuesi besohet të ketë goditur me thikë viktimat e tij në qafë, raportojnë mediat gjermane.
Zëdhënësi i policisë Alexander Kresta u citua nga faqja e internetit Spiegel të ketë thënë se "momentalisht po supozojmë se ishte një person" pasi biseduam me shumë dëshmitarë okularë.
Në një deklaratë në Facebook, kryetari i bashkisë së Solingenit Tim Kurzbach tha: "Sonte të gjithë ne në Solingen jemi në tronditje, tmerr dhe trishtim të madh. Të gjithë donim të festonim përvjetorin e qytetit tonë së bashku dhe tani duhet të mbajmë zi për të vdekurit dhe të plagosurit.
"Më thyhet zemra që ka ndodhur një sulm në qytetin tonë. Më lotojnë sytë kur mendoj për ata që kemi humbur. Lutem për të gjithë ata që ende luftojnë për jetën e tyre. Gjithashtu ngushëllimet më të mëdha për të gjithë ata që kishin për ta përjetuar këtë, këto imazhe duhet të kenë qenë të tmerrshme."
Sondazh
Lexo gjithashtu
