Ndërron jetë në spital, Edmond Papaj, i cili mbeti i plagosur nga atentati me armë zjarri mbrëmjen e sotme në ambientin e një lokali në Selitë, Tiranë. Bëhet me dije se 49 vjeçari ka vdekur pak minuta më parë në spitalin e Traumës, pasi nuk ka mundur dot t'u mbijetojë plagëve të marra.
Ende nuk dihen shkaqet e ngjarjes, ndërsa forca të shumta policie kanë mbërritur në vendngjarje dhe po punojnë për zbardhjen e plotë të kësaj ngjarje, si dhe identifikimin e autorit/ve dhe kapjen e tij.
Tiranë/Informacion paraprak:
Rreth orës 16.30, në rrugën "Fadil Bodinaku", në lokalin në pronësi të shtetasit V. Sh., një person ende i pa identifikuar ka qëlluar me armë zjarri pistoletë shtetasin E. P., 49 vjeç, i cili si pasojë e plagëve të marra ka ndërruar jetë në spital. Në vendin e ngjarjes ndodhet grupi hetimor dhe po punon për sqarimin e rrethanave të ngjarjes dhe identifikimin e autorëve. Shërbimet e Policisë po vijojnë kontrollin e zonës për të bërë të mundur kapjen e autorit.
Lexo edhe: Të shtëna me armë zjarri në Tiranë, raportohet për një të plagosur në lokal
Sondazh
Lexo gjithashtu
