Pas shpërthimit të lëndës plasëse në banesën e gjyqtarit Tonin Sterkaj në Shkodër, ministri Taulant Balla e ka telefonuar ku dhe e ka siguruar se janë marrë masa të menjëherëshme për garantimin e sigurisë së tij.
Ditën e sotme reagoi edhe KLGJ, ndërsa nesër do të mblidhet dhe komisioni i posaçëm për mbrojtjen e gjyqtareve, ku do ta marre pjese dhe vete Ministri i Brendshëm.
Këshilli i Lartë Gjyqësor dënon aktin kriminal dhe i kërkon organit të akuzës hetimin, zbardhjen e ngjarjes dhe të nxjerrë para përgjegjësisë ligjore personat e përfshirë.
Këshilli i Lartë Gjyqësor i shpreh mbështetjen të gjithë gjyqtarëve të sistemit gjyqësor për të garantuar sigurinë e tyre, në mënyrë që të ushtrojnë detyrën pa frikën e kërcënimeve, pasi respektimi i funksionit dhe dinjitetit të tyre, është parakusht për një proces të rregullt ligjor, për një sistem drejtësie efektiv dhe efikas, por edhe për funksionimin normal të shtetit të së drejtës.
Sondazh
Lexo gjithashtu
