Kryebashkiakja e qytetit të Vlorës, Bruna Mersini para pak çastesh ka reaguar për humbjen e aktorit vlonjat të humorit, Mane Lumani.
Përmes një postimi të bërë në rrjet Mersini shprehu ngushëllime të përzemërta për të afërmit e aktorit, ndërsa këtë të fundit e ka cilësuar si portret të qytetit të Vlorës, artist i pazëvendësueshëm.
Më tej kryebashkiakja shtoi se qyteti i Vlorës nuk do të ishte kurrë i plotë pa humorin e këtij të fundit.
“I paharruar, përgjithmonë, Mane Lumani! Faleminderit për gjithë gëzimin që na dhurove!” shkroi kryebashkiakja në postimin e bërë.
Reagimi i plotë i kryebashkiakes së Vlorës, Bruna Mersini:
Mane Lumani nuk ishte vetëm aktor humori, ishte pjesë e kujtimeve tona, e familjeve tona, në kohët kur nuk njihnim gëzim tjetër veç parodisë së tij!
Për shumë breza, ai ishte portreti i kënaqësisë së qytetit, një nga ata artistë që as zëvendësohen e as krahasohen!
Vlora nuk do të jetë e plotë pa harenë e tij! I paharruar, përgjithmonë, Mane Lumani! Faleminderit për gjithë gëzimin që na dhurove!
Sondazh
Lexo gjithashtu
