Detaje të reja kanë dalë në dritë nga operacioni policor i zhvilluar gjatë orëve të para të mëngjesit në Tiranë ku u zbulua një magazinë me kanabis.
Magazina dy katëshe ndodhej në rrugën “Hambi Pepa” në Selitë dhe përdorej për kultivimin e kanabis me anë të llabave elektrike. Nga informacionet paraprake ndërtesa dyshohet të jetë e privatizuar nga 3 shtetas me iniciale A. C., K. K. dhe V. S., ku në katin e dytë janë gjetur të mbjellura në vazo plastike 105 rrëjë canabis.
Disa persona janë shoqëruar në ambjentet e policisë ndërkohë grupet hetimore ndodhen në vendngjarje për të zbardhur të gjithë aktivitetin kriminal që është zhvilluar në ndërtesë.
Njoftimi i plotë i policisë:
"Gjatë orëve të para të mëngjesit, shërbimet e Komisariatit të Policisë Nr. 2 kanë ndërhyrë në ambientet e një magazine të vjetër dykatëshe, në rrugën “Hamdi Pepa”, Selitë, ku nga informacionet e siguruara nga inteligjenca policore, dyshohej se kultivoheshin bimë narkotike, me anë të llambave.
Nga kontrollet, në katin e dytë të këtij objekti, i cili nga verifikimet rezulton i privatizuar nga shtetasit A. C., K. K. dhe V. S., shërbimet e Policisë gjetën të kultivuara në vazo plastike, 105 bimë të dyshuara narkotike Cannabis Sativa.
Për rastin janë shoqëruar në ambientet e Policisë, disa shtetas, ndërkaq një grup i posaçëm hetimor po punon në vendngjarje, për të zbardhur dhe dokumentuar ligjërisht, rrethanat.
Në përfundim të veprimeve procedurale do të japim njoftim të detajuar për këtë rast."
Sondazh
Lexo gjithashtu
