Tirana
clear sky
25.5 ° C
25.5 °
25.5 °
27 %
2.1kmh
0 %
Pre
26 °
Sht
27 °
Die
28 °
Hën
27 °
Mar
30 °
E premte, 20 Maj, 2022
spot_img

Zyrtari amerikan: Rusia mund ta pushtojë Ukrainën “në çdo çast”

spot_img
spot_img

Lajme të ngjashëm

Rusia mund të nisë sulm ndaj Ukrainës “në çdo çast”, ka thënë një zyrtar i Departamentit amerikan të Shtetit, ndërkohë që Sekretari amerikan i Shtetit, Antony Blinken është nisur drejt Kievit e më pas edhe Berlinit për bisedime urgjente, me qëllim të shmangies së ndonjë lufte të re në Ukrainë.

Meqë Rusia ka të mbledhur mbi 100,000 trupa ushtarake afër kufirit të Ukrainës dhe një numër të forcave është duke e pozicionuar për stërvitje në Bjellorusi, Perëndimi është i alarmuar për mundësinë e një konflikti të ri.

Javën e kaluar, diplomatët rusë janë takuar me zyrtarë të lartë të Shteteve të Bashkuara, NATO-s dhe kombeve evropiane, për të diskutuar kërkesat e Moskës, të cilat parashohin ristrukturim të arkitekturës së sigurisë në Evropë.

Bisedimet kanë përfunduar pa marrëveshje, andaj duke ia shtuar kësaj situate edhe retorikën e Moskës, zyrtarët e Perëndimit kanë thënë se janë të shqetësuar, shkruan REL.

Forcat ruse në Bjellorusi “nuk janë as për stërvitje as si lëvizje normale e trupave”. Është shfaqje e forcës, e dizajnuar për të shërbyer si pretekst i rremë për një krizë, ndërkohë që Rusia planifikon pushtim të mundshëm”, ka thënë ky zyrtar i lartë i Departamentit të Shtetit, në kushte anonimiteti.

“Ne jemi në pikën kur Rusia mund të sulmojë Ukrainën në çdo çast”, ka thënë ky zyrtar.

Pas vizitave në Kiev dhe Berlin, Blinken pritet të udhëtojë në Gjenevë për të biseduar me ministrin e Jashtëm rus, Sergei Lavrov.

Të dy liderët është thënë të kenë biseduar përmes telefonit më 18 janar.

Duke e përshkruar takimin e Blinkenit dhe Lavrovin, ky zyrtar amerikan u ka thënë gazetarëve se “duket se diplomacia nuk ka vdekur ende”.

“Ne duam të testojmë nëse ka ndonjë mundësi për diplomaci këtu, mirëpo vazhdojmë të jemi të përgatitur edhe për rezultat tjetër”, ka thënë ky zyrtar.

spot_imgspot_img

Më shumë

spot_img
RingRing
spot_img
spot_img
spot_imgspot_img
spot_img