Zyrtarisht Suedia ditën e sotme ka aplikuar për anëtarësimin në NATO.
Ministrja e Jashtme e Suedisë Ann Linde nënshkroi këtë mëngjes një aplikim që deklaronte se vendi dëshiron të anëtarësohet në NATO.
“Ndihet shumë mirë dhe duket sikur kemi arritur në një përfundim që është më i miri për Suedinë. Ne nuk e dimë se sa kohë do të zgjasë, por llogarisim se mund të zgjasë deri në një vit. Tani këtë javë, ky aplikim do të dorëzohet, së bashku me Finlandën, brenda një dite apo më shumë, dhe më pas do të bëhet të përpunuara nga NATO” tha ministrja e Suedisë.
Kjo shënon një hap zyrtar të Stokholmit drejt bashkimit me aleancën ushtarake të udhëhequr nga SHBA, duke i dhënë fund dekadave të neutralitetit ushtarak.
Kryeministrja e Suedisë Magdalena Andersson tha të hënën se vendi duhet t’i bashkohet NATO-s së bashku me Finlandën fqinje për “të garantuar sigurinë e popullit suedez”.
Kujtojmë që presidenti rus Vladimir Putin tha se hyrja e dy vendeve nordike në NATO nuk do të krijojë një kërcënim për Rusinë, por zgjerimi ushtarak në territor, ndërsa Turqia është shprehur kundër anëtarësimit në NATO të Suedisë dhe Finlandës.
