Zëvendës-kryeministri i Letonisë, njëkohësisht ministër i Mbrojtjes, Artis Pabriks ka reaguar për vdekjen e efektives shqiptare dhe plagosjen e major Klodian Tanushit dhe rreshter Julian Kapajt nga shpërthimi i një mine në Letoni.
Pabriks ka shprehur ngushëllimet për familjen e efektives, ndërkohë që bën me dije se ky incident tragjik do të hetohet me kujdes.
"Keqardhja ime më e thellë për të afërmit dhe popullin shqiptar. Ky incident tragjik do të hetohet me kujdes dhe menjëherë!
Ngushëllimet e mia më të thella edhe për të afërmit e ushtarëve shqiptarë të vendosur në Letoni. Incidenti i trajnimit do të hetohet menjëherë", shkruan ministri i Mbrojtjes së Letonisë në Twitter.