Tirana
clear sky
35.5 ° C
35.5 °
35.5 °
24 %
1kmh
0 %
Enj
41 °
Pre
39 °
Sht
39 °
Die
42 °
Hën
37 °
E enjte, 29 Korrik, 2021

Zjarri te ‘Casa Italia’, Meta ngre ALARMIN dhe u bën thirrje institucioneve: Mos qëndroni duarkryq, bëni detyrën tuaj

spot_img
spot_img

Lajme të ngjashëm

Presidenti Ilir Meta ka ngritur alarmin për zjarrin e madh që ka ndodhur tek “Casa Italia” në Tiranë, ku fatkeqësisht ka mbetur brenda shefi i sigurisë Arjan Sala.

Prej dy ditësh, zjarrfikësit nuk kanë arritur që të bëjnë kontrolle të hollësishme për të gjetur 33-vjeçarin.

Meta u ka bërë thirrje drejtuesve të Ministrisë së Brendshme dhe asaj të Mbrojtjes, strukturave të Mbrojtjes Civile dhe në veçanti Shërbimit Zjarrfikës të ndërpresin aktivitetet politike, të marrin përgjegjësitë e tyre sipas ligjit dhe të kryejnë me përgjegjshmëri të lartë detyrën e tyre.

Presidenti ka thënë që t’u kërkohet ndihmë vendeve të tjera nëse nuk janë mjetet e duhura, por qëndrimi duarkryq sipas tij, është i papranushëm dhe i dënueshëm.

Postimi i plotë:

Alarm për institucionet shtetërore!

Prej pasdites së 24 marsit 2021, një tragjedi e vërtetë po ndodh vetëm 3 km larg nga qendra e Tiranës, në ambientet e një biznesi privat, të përfshirë nga flakët, që ende nuk janë shuar.

Sipas të dhënave paraprake një qytetar, me detyrën Përgjegjës i Sigurisë, dyshohet edhe për një shtetas të dytë, kanë mbetur të bllokuar në magazinat e katit të nëndheshëm, ndërkohë që dëmi pasuror i biznesit llogaritet në shifra tepër të larta.

Duke shpresuar, që kjo ngjarje e rëndë të marrë fund me sa më pak pasoja, u bëj thirrje drejtuesve të Ministrisë së Brendshme dhe asaj të Mbrojtjes, strukturave të Mbrojtjes Civile dhe në veçanti Shërbimit Zjarrfikës të ndërpresin aktivitetet politike, të marrin përgjegjësitë e tyre sipas ligjit dhe të kryejnë me përgjegjshmëri të lartë detyrën e tyre.

T’u kërkohet ndihmë vendeve partnere nëse ne nuk i kemi kapacitet për ta menaxhuar këtë situatë, por qëndrimi duarkryq është i papranueshëm dhe i dënueshëm.

U bëj thirrje të fortë institucioneve shtetërore të reagojnë sa më parë për t’i dhënë zgjidhje të menjëhershme kësaj situate tepër të rëndë dhe me pasoja tepër serioze!

Më shumë

spot_img
spot_img