Ministria e Mbrojtjes ka reaguar në lidhje me situatën e zjarrit në ishullin e Sazanit. Sipas njoftimit të ministrisë mësohet se është bërë e mundur shuarja e zjarrit në fshatin Elgjin.
Në zonë ndodhen 54 efektivë të Forcave të Armatosura dhe zjarrfikëse, të cilët bënë të mundur neutralizimin e situatës.
Në ishull ndodhen 122 trupa të Forcave të Armatosura, mjete detare dhe zjarrfikës, të cilët po punojnë për të shuarjen e flakëve.
“Rreth 54 efektivë të Forcave të Armatosura, forca të zjarrfikëses dhe banorë të zonës kanë bërë të mundur shuarjen e zjarrit në fshatin Elgjin, njësia administrative Orosh, në Mirditë. Pas një aksioni të përqendruar u bë e mundur izolimi i kësaj vatre, duke shmangur totalisht edhe rrezikun për banesat. Vlerësime për punën e gjithkujt në emergjenca të tilla, ku nevojitet më së shumti bashkimi dhe vullnetarizmi”, thuhet në njoftim.