Hapësire reklamuese

Aktualitet

Përfshihen nga flakët 5 banesa në Burrel, evakuohen banorët

Shkruar nga Newsbomb

Një zjarr i përmasave të mëdha ka rënë mbrëmjen e sotme në Burrel. Raportohet se nga flakët janë përfshirë 5  banesa të cilat ndodheshin pranë njëra-tjetrës në qytetin e Burrelit.

Fillimisht zjarri ka rënë në banesën e Sokol Skilës, por flakët janë përhapur edhe në katër banesa të tjera, dy prej të cilave në pronësi të Fatmir Bushatit dhe të Eltion Pjetrit.

Njoftimi i policisë:

"Mbrëmjen e sotme, në qytetin e Burrelit, ka rënë zjarr në banesën e shtetasit S.S.  Si pasojë e përhapjes së flakëve të zjarrit  janë përfshirë nga zjarri dhe janë djegur pjesërisht dhe 4 banesa të tjera që janë ngjitur me banesën e shtetasit S.S., banesa private me çati të përbashkët", - njofton policia.”

Shërbimet e Policisë kanë evakuuar banorët nga banesat që u përfshinë nga zjarri dhe fatmirësisht nuk raportohet për asnjë person të lënduar. Shërbimi zjarrfikës ka mbërritur menjëherë në vendngjarje dhe kanë bërë të mundur shuarjen e flakëve.

Ne foto pamje nga zjarri qe ka perfshire 5 banesat ne Burrel Ne foto pamje nga zjarri qe ka perfshire 5 banesat ne Burrel

Nuk dihen ende rrethanat e përhapjes së flakëve. Grupi hetimor po punon për zbardhjen e shkaqeve të rënies së zjarrit dhe sqarimin e rrethanave të ngjarjes.

Sondazh

Poll

Lexo gjithashtu

Hapësire reklamuese