Një zjarr i madh ka rënë në zonën e Qafës së Bestrovës ë Vlorë.
Situata nga zjarri është bërë e rrezikshme pasi në zonë po dëgjohen shpërthime nga municione që ka në atë zonë.
Burime për media bëjnë me dije se në zonën ku ka rënë flakë janë gjetur municone tyë mbetura nën tokë prej vitit 1997.
Zjarrfikëset ndodhet në vendngjarje dhe po punojnë për të bërë të mundur shuarjen e flakëve.
Vlorë/Informacion paraprak
Më datë 19.03.2022, në vendin e quajtur Qafa e Bestrovës, Vlorë dhe në segmentin rrugor që lidh fshatin Bestrovë me fshatin Kërkovë, në një sipërfaqe me ullinj ka rënë zjarr dhe si pasojë janë djegur pjesërisht disa rrënjë ullinj.
Në vendngjarje ndodhet zjarrfikësja dhe shëbimet e Rendit të Komisariatit të Policisë Vlorë, të cilët po punojnë për fikjen e zjarrit dhe zbardhjen e plotë të rrethanave të ngjarjes.