Një zjarr i fuqishëm ka rënë mbrëmjen e sotme në zonën muzeale të qytetit të Gjirokastrës, pranë kinemasë së qytetit.
Sipas informacioneve paraprake, mësohet se zjarri ka rënë në një depo pranë kinemasë së qytetit, ndërsa është djegur dhe një shtëpi. Në vendin e ngjarjes kanë shkuar menjëherë dy zjarrfikëset e qytetit dhe po punojnë intensivisht për shuarjen e flakëve.
Gjithashtu, për të mos rrezikuar banorët nga ndonjë shkëndijë e mundshme elektrike, OSHEE ka stakuar elektricitetin në të gjithë qytetin. Deri tani fatmirësisht nuk raportohet për persona të plagosur, por vetëm për dëme materiale.