Hapësire reklamuese

Politikë

Zhupa: Qeveria fsheh raportin e UNESCO për Butrintin, nuk u dorëzua as në Kushtetuese

Shkruar nga Newsbomb
Zhupa: Qeveria fsheh raportin e UNESCO për Butrintin, nuk u dorëzua as

Deputetja e Partisë Demokratike, Ina Zhupa ka deklaruar se qeveria ka fshehur me vetëdije një raport të UNESCO, ku në përmbajtje kundërshtohet koncesionit të Butrintit.

Me anë të një postimi në rrjetet sociale, Zhupa shkruan se Gjykatës Kushtetuese i është fshehur raporti i UNESCO për misionin e tetorit 2022 dhe është mashtruar gjatë procesit gjyqësor nga Këshilli i Ministrave sikur ky raport nuk ekziston.

Deputetja e opozitës i bën apel Gjykatës Kushtetuese të marr raportin që e ka kërkuar vetë nga Këshilli i Ministrave dhe të ndaloj sa më shpejt këtë koncesion, duke respektuar kushtetutën e vendit dhe duke mbrojtur historinë, identitetin dhe trashëgiminë kombëtare.

Postimi i plotë:

UNESCO raport kundër koncesionit të Butrintit.Raporti nuk lejohet të publikohet nga qeveria shqiptare.

Gjykatës Kushtetuese i është fshehur raporti i UNESCO për misionin e tetorit 2022 dhe është mashtruar gjatë procesit gjyqësor nga Këshilli i Ministrave sikur ky raport nuk ekziston.

Ne sot kemi provën zyrtare, ku na informojnë zyrtarisht nga UNESCO, që raporti i monitorimit i është cuar Institutit Kombëtar të Trashëgimisë Kulturore dhe shteti palë Shqipëria nuk ka dhënë autorizim ta publikojnë.

Ky raport ishte ai që kërkojmë ne si provë i gjithë kundërshtimeve që ka UNESCO kundra modelit me koncesion të Butrintit. Këtë raport e kërkoi Gjykata Kushtetuese dhe dha afat deri në 30 nëntor. Në gjykimin kushtetues, unë ju thashë nga burimet e komunikimeve informale, se ky raport kishte ardhur dhe e kishte në zotërim qeveria shqiptare.

Kryetarja Holta Zacaj pyeti përfaqësuesin e qeverisë, i cili në proces gjyqësor mashtroi dhe mbajti qëndrimin publik dhe zyrtar se nuk ka një raport të tillë. Ai deklaroi që çfarë kishim nga UNESCO, i kemi dhënë.

Mashtroi duke sajuar edhe një email në 11 natës me ambasadoren tonë në UNESCO. Turpi është që në mashtrim përfshinë edhe ambasadoren duke e detyruar të shkruante që ska raport dhe duke cituar një datë pa lidhje me gjykimin.

A ka nevojë për më shumë prova Gjykata Kushtetuese sesa ky mashtrim dhe fshehje e raportit të misionit të UNESCO?!

Citoj shkresën e UNESCO:

“Lidhur me kërkesën tuaj për statusin e raportit të misionit të të përbashkëtë Qendrës të Trashëgimisë Botërore të UNESCO-s dhe Misionit Këshillimor ICOMOS, që u zhvillua nga data 26 deri më 28 tetor 2022, ju lutemi të jeni ë informuar se ky raport është finalizuar dhe transmetuar tek autoritetet kompetente në Shqipëri, përkatësisht Institutit Kombëtar të Trashëgimisë Kulturore si organizata qeveritare e caktuar si përgjegjëse kryesore për zbatimin e Konventës së Trashëgimisë Botërorenë Shqipëri. Shteti Palë i Shqipërisë nuk ka autorizuar publikimin e raportit në faqen e Trashëgimisë Botërore”

Fshehja është tipar i krimit, tipar i atyre që janë të zhytur në paligjshmëri. Ndryshe raporti do ishte kudo, po tju vinte pas qejfi të qeverisë.

I kërkoj Gjykatës Kushtetuese të marr raportin që e ka kërkuar vetë nga Këshilli i Ministrave dhe të ndaloj sa më shpejt këtë koncesion, duke respektuar kushtetutën e vendit dhe duke mbrojtur historinë, identitetin dhe trashëgiminë kombëtare.

 

Sondazh

Poll

Lexo gjithashtu

Hapësire reklamuese