Në Fier nuk ka përsëritje zgjedhjesh. Kështu ka vendosur pak më parë Kolegji Zgjedhor, duke rrëzuar kërkesën e Partisë Demokratike lidhur me shpalljen të pavlefshme të zgjedhjeve më qarkun e Fierit.
Me shumicë votash, gjyqtarët e Kolegjit Zgjedhor kanë rrëzuar kërkesën e PD dhe LSI për shpalljen si të pavlefshëm të rezultatit për 25 prillin dhe përsëritjen e zgjedhjeve. Në këtë mënyrë, organi më i lartë për shqyrtimin e ankesave, ka legjitimuar zgjedhjet dhe në një tjetër qark.
Pas përfundimit të procesit dhe marrjes së vendimit, përfaqësuesi i PD, Marash Logu tha se ky vendim bëri që të humbisnin mundësinë për të qenë transparentë me qytetarët.
Ai u shpreh se do t’i shkojnë deri në fund betejës dhe që nuk do të dorëzohen.