Hapësire reklamuese

Çështjet kryesore

Aktualitet

Zgjedhjet e 25 prillit në Muajin e Ramazanit, reagon Komuniteti Mysliman: Vota është shumë e shtrenjtë, nuk duhet të blihet dhe as të shitet

Shkruar nga Newsbomb
Zgjedhjet e 25 prillit në Muajin e Ramazanit, reagon Komuniteti Mysliman:

Zgjedhjet e 25 prillit përkojnë edhe me Muajin e Shenjtë të Ramazanit, gjatë të cilit besimtarët myslimanë janë në agjërim.

Komuniteti Mysliman i Shqipërisë me anë të një reagimi në rrjetet sociale ka kërkuar nga qytetarët të nmos e shesin apo blejnë votën, pasi ajo është shumë e shtrenjtë.

Sipas KMSH-së, shitja apo blerja e votës është edhe përçmim për dinjitetin njerëzor, ndaj qytetarët duhet ta ruajnë dinjitetin pasi është amanet nga Zoti.

Postimi i plotë:

Qëndrimi i Komunitetit Mysliman të Shqipërisë për zgjedhjet e 25 prillit 2021.

Të dashur qytetarë, urojmë që të keni një agjërim të lehtë dhe të pranuar te Zoti i Gjithësisë!

Ne gjendemi në Muajin më të rëndësishëm të vitit, Muajin e Bekuar të Ramazanit, muaji i pastrimit, faljes, mëshirës dhe begatisë së pafundme Hyjnore.

Motra dhe vëllezër, vendi ynë ndodhet gjithashtu në një proçes tepër të rëndësishëm, siç është fushata elektorale për zgjedhjet e 25 prillit 2021.

Qëndrimi ynë për përkatësitë politikë është si gjithmonë, NEUTRAL, por ajo që është e rëndësishme për ne, është procesi.

Ne dëshirojmë që fushata elektorale të kalojë e qetë dhe korrekte.

Ju kujtojmë gjithë qytetarëve shqiptarë se, shitja apo blerja e votës, veç të tjerave, është edhe përçmim për dinjitetin njerëzor, ruani dinjitetin njerëzor pasi është amanet nga Zoti. 

VOTA është shumë e shtrenjtë, ajo nuk duhet të shitet, as të blihet.

Shprehni qëndrimin tuaj ndaj alternativës që dëshironi, me vullnet të lirë, pa u intimiduar nga askush e pa intimiduar ju askënd!

Ne urojmë dhe dëshirojmë që zgjedhjet e 25 prillit të jenë një hap përpara për Shqipërinë drejt integrimit europian, të jenë të lira dhe të ndershme dhe verdikti i popullit të lexohet e të pranohet nga të gjitha palët!

I lutemi Zotit që produkti i këtyre zgjedhjeve të jetë legjitim, i drejtë dhe i hajrit për popullin tonë.

Amin!

Lexo gjithashtu

Sondazh

Poll