Zgjedhja e Presidentit/ Enkelejd Alibeaj mbledh sot Grupin Parlamentar në selinë e PD

Enkelejd Alibeaj u ka dërguar mbrëmjen e djeshme një mesazh deputetëve të Grupit Parlamentar për t’i thirrur sot në takim. Mbledhja mësohet se do të ketë në rend të saj diskutimet për zgjedhjen e Presidentit të Republikës.

“Përshëndetje! Duke ju kërkuar ndjesë për orën, nesër në orën 16:00 do të ketë mbledhje grupi në seli. Faleminderit”, shkruan Alibeaj në mesazhin e tij dërguar deputetëve mbrëmjen e së enjtes.

Grupi parlamentar demokrat diskutoi dje për 3 orë për emrat e kandidatëve për President që do t’i shkojnë maxhorancës për votim në Parlament. 26 deputetë ishin të pranishëm në diskutimet e drejtuara nga Alibeaj.

Deputetët demokratë ishin aktivë në këtë takim dhe propozuan 10 emra. Mes tyre ka politikanë, publicistë dhe ish-ambasadorë. Nuk mungon as emri i Princit Leka Zogu.

1. Leonard Demi
2. Arben Çejku
3. Dritan Demiraj
4. Dashamir Shehi
5. Jorida Tabaku
6. Rexhep Uka
7. Halim Kosova
8. Leka Zogu
9. Visar Zhiti
10. Lajla Pernaska

Në fund të mbledhjes, deputetët e Grupit Parlamentar të PD vendosën që të çojnë për një analizë më të thelluar vetëm 8 emra, duke hequr Lajla Përnaskën dhe Jorida Tabakun. Në diskutime nuk u përfshinë deputetët që mbështesin Berishën.

1. Leonard Demi
2. Arben Çejku
3. Dritan Demiraj
4. Dashamir Shehi
5. Rexhep Uka
6. Halim Kosova
7. Leka Zogu
8. Visar Zhiti