Presidenti i Ukrainës Volodomyr Zelensky është takuar me mbretin Charles III në Pallatin Buckingham, gjatë vizitës zyrtare në Mbretërinë e Bashkuar. Kjo ishte hera e parë që dy udhëheqësit takohen së bashku.
Më herët, Zelensky u tha deputetëve se ai do t’i përcillte Mbretit mirënjohjen e tij në emër të të gjithë ukrainasve, për mbështetjen e tij edhe kur ai ishte ende Princi i Uellsit.
Presidenti ukrainas mbërriti sot në Britaninë e Madhe ku u prit nga kryeministri Rishi Sunak të cilin e falenderoi për ndihmat ushtarake që i kanë dhuruar Ukrainës në këtë kohe lufte. Sipas agjendë Zelensky do të vizitojë edhe Brukselin.