Detaje të reja janë zbardhur lidhur me prostitucionin që ushtrohej në dy hotelet e dy biznesmenëve në Rrogozhinë.
Mësohet se skenën e prostitucionit e drejtonin dy pronarët e hoteleve të cilët janë Fatmir Hoxha dhe Bujar Gjuzi.
Personat në fjalë përveç pagës që merrnin nga dhoma e hotelit, përfitonin dhe 1/3 e pagës së klientëve.
Sakaq, bëhet me dije se personat që ushtronin prostitucion ishin nga mosha 20 vjeç deri në moshën 56 vjeç.
Kujtojmë që policia prej 7 muajsh ndërmori operacionin ‘Zhuri’ në kuadër të të cilit prangosi 2 pronarët e hoteleve dhe 5 vajza me iniciale M. M., D. M., G. D., Q. R. dhe V. M që ushtronin prostitucionin te zona e njohur si ‘Bishti i Zhurit’ në Kavajë.
Gjithashtu mësohet se është arrestuar R. L., banues në Divjakë, pasi është kapur në flagrancë në ambientet e hotelit, duke kryer marrëdhenie seksuale kundrejt pagesës, me shtetasen Q. R.