Një zjarr i madh përfshiu sot ambientet e një palestre private në katin e 10-të të një pallati pranë rrugës së “Elbasanit”.
Flakët shkaktuan dëme të shumta duke djegur thuajse plotësisht papafingon që ishte përshtatur në palestër nga presidenti i klubit të futbollit Partizani, Gaz Demi, përpara se të shuheshin plotësisht nga 5 automjete zjarrfikëse që mbërritën në vendngjarje.
Mësohet se shkak i flakëve është bërë një defekt elektrik në pajisjen e kondicionerit, raporton Newsbob.al.
Fatmirësisht nga zjarri nuk u lënduan persona ndërsa policia kreu edhe evakuimin e pallatit. /Newsbomb.al