Hapësire reklamuese

Aktualitet

Zbardhet plagosja me armë në Fier, arrestohen 2 persona dhe shpallen në kërkim dy të tjerë (DETAJE)

Shkruar nga Newsbomb
Foto ilustruese

Zbardhet dhe dokumentohet plagosja me armë zjarri e ndodhur dy ditë më parë në Fier.

Bëhet me dije se kanë rënë në pranga dy persona për moskallëzim krimi dhe veprime që pengojnë zbulimin e së vërtetës, shpallen në kërkim 2 autorët e dyshuar të plagosjes.

Në pranga kanë rënë shtetasit A. B., 44 vjeç banues në Fier, për veprën penale "Moskallëzim krimi", J. M., 36 vjeç, banues në Fier, për veprën penale "Veprime që pengojnë zbulimin e së vërtetës" (I dënuar më parë për kultivim të bimëve narkotike).

Gjithashtu u shpallën në kërkim, për veprat penale "Plagosja e lehtë me dashje" e kryer në bashkëpunim dhe "Armëmbajtja pa leje", shtetasit I. B., 44 vjeç (i dënuar më parë për armëmbajtje pa leje) dhe F. S.(K)., banues në Fier, dhe po punohet për kapjen e tyre.

Kujtojmë që ngjarja ka ndodhur në lagjen "8 Shkurti", Fier, pas një konflikti për motive të dobëta midis shtetasit I. B. dhe M. M.

Njoftimi i policisë:

Zbardhet dhe dokumentohet plagosja me armë zjarri e ndodhur 2 net më parë në Fier.

Arrestohen në flagrancë 2 shtetas, për moskallëzim krimi dhe veprime që pengojnë zbulimin e së vërtetës, shpallen në kërkim 2 autorët e dyshuar të plagosjes.

Specialistët për Hetimin e Krimeve në Komisariatin e Policisë Fier, në vijim të veprimeve hetimore të kryera për zbardhjen dhe dokumentimin e ngjarjes së ndodhur mbrëmjen e datës 03.11.2020, ku si pasojë mbeti i plagosur lehtë në këmbë me armë zjarri, shtetasi M. M., 34 vjeç, arrestuan në flagrancë shtetasit:

A. B., 44 vjeç banues në Fier, për veprën penale "Moskallëzim krimi";

J. M., 36 vjeç, banues në Fier, për veprën penale "Veprime që pengojnë zbulimin e së vërtetës" (I dënuar më parë për kultivim të bimëve narkotike).

Gjithashtu u shpallën në kërkim, për veprat penale "Plagosja e lehtë me dashje" e kryer në bashkëpunim dhe "Armëmbajtja pa leje", shtetasit I. B., 44 vjeç (i dënuar më parë për armëmbajtje pa leje) dhe F. S.(K)., banues në Fier, dhe po punohet për kapjen e tyre.

Ngjarja ka ndodhur në lagjen "8 Shkurti", Fier, pas një konflikti për motive të dobëta midis shtetasit I. B. dhe M. M.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.

Lexo gjithashtu

Sondazh

Poll