Zbardhen përgjimet/ Kryebashkiaku i Lushnjes mbushte me naftën e shtetit makinat e miqve: Unë do jem te karburanti, të nxjerr këtë drejtorin…(E PLOTË)

Janë zbardhur disa përgjime nga kyebashkiaku i Lushnjes, Fatos Tushe, i cili është arrestuar pak ditë më parë së bashku me zyrtarë të Bashkisë së këtij qyteti pasi akuzohen për “shpërdorim detyre”.

Nga përgjimet rezulton se Tushe ka lejuar disa persona që të furnizojnë makinat e tyre me karburantin e shteti.

Në një nga përgjimet rezulton që një person që do ikte me pushime, i ka kërkuar kryebashkiakut që të mbudh makinën me karburat dhe ai e ka lejuar.

Pjesë nga biseda:

Personi: Përshëndetje, si jeni, si keni qenë mirë?

Fatos Tushe: Përshëndetje miku im, faleminderit mirë

Personi: Ju pengoj, jeni me pushime besoj

Fatos Tushe: Jo, jo

Personi: Unë nesër do iki me pushime…

Fatos Tushe: Është ok, po nesër në mëngjes ku do kalosh ti

Personi: Epo nesër në mëngjes aty do të kaloj unë, do futem në Lushnje, aty nga ora 7:30 besoj

Fatos Tushe: Epo mirë, të nxjerr këtë drejtorin e burimeve njerëzore unë, Turi. se unë do jem te karburanti

Të njëjtën gjë bënte dhe drejtori i Ndërmarrjes së pasurive publike, Flamur Peqini.

Menaxher i karburantit: Urdhëro Flamur

Flamur Peqini: Hidhi asaj me 3 teta o burr i dheut

Menaxher i karburantit: Ok ja tani në sekonda

Flamur Peqini: Shpejt o tani, ajo me re teta e ke parasysh, është çuni i shefit ooo shpejt

Menaxher i karburantit: Po,po hajt hajt

Në një tjetër përgjim, duket se Tusha dhe punonjësit e Bashkisë kishin dijeni për hetimet që po bënte SPAK ndaj tyre.

Në video dëgjohet punonjësi ku thotë se Fatos Tushe i kishte mbledhur 20 herë dhe u ka treguar se çfarë duhet të thonë para prokurorëve.

Pjesë nga biseda:

Punonjësi 1:  Është një polic që ka sjellë shkresa si persona që mund të kenë në dijeni

Punonjësi 2: Kush do pyetet tjetër

Punonjësi 1: Unë, Ilva dhe Inxhinieri

Punonjësi 2: Po ajo çne

Punonjësi 1: Është njësi ajo

Punonjësi 1: Po, po, por duhet të shkoj në Tiranë

Punonjësi 2: Ti?

Punonjësi 1: Në të tre që na kanë thirrur si persona që mund të kemi dijeni, të mërkurën në orën 11 te SPAKU, mua thjesht s’më vjen mirë, po s’kam gjë, jam e qetë për punën që kam bërë

Punonjësi 2: Ajo ka rëndësi, habitem ç’ne që ju ngeli vetëm ju përgjegjësia

Punonjësi 1: Ne nuk jemi nën hetim, jemi persona që mund të kemi dijeni, pastaj thirren ata se mund të kenë qenë në përgjim

Punonjësi 2: Ahtu po, po dijeni për çfarë se nuk dihet se për ça ju pyesin atje më kupton

Punonjësi 1: Thanë mos kini merak, mos e diskutoni as në familje thanë të mos shqetësohen kot

Punonjësi 2: Kush tha

Punonjësi 1: Drejtori dhe ai miku jot

Punonjësi 2: Epo mirë

Punonjësi 1: Na kanë bërë 20 herë mbledhje gjoja ça të themi atje

Punonjësi 1: … Neve na ka dalë Fatosi garant, garant.