Aleksandar Vulin ka dhënë dorëheqjen nga posti i drejtorit të Agjencisë së Informacionit të Sigurisë.
Në një deklaratë për media, Vulin tha se SHBA dhe BE “po kërkojnë kokën e tij si parakusht për të mos vendosur sanksione ndaj Serbisë”.
“Unë nuk jam shkaku i shantazheve dhe presioneve ndaj Serbisë dhe botës serbe, por nuk do ta lejoj veten të jem motiv për shantazh dhe presion ndaj Serbisë dhe botës serbe. Për këtë arsye po paraqes dorëheqjen time të parevokueshme nga posti i drejtorit të BIA-s”, thuhet në njoftim.
Vulin shtoi se sanksionet e vendosura ndaj tij janë dëshmi e luftës së tij të vazhdueshme për unitetin e serbëve.
Vulin tha se presidenti serb Aleksandar Vuçiç dhe Serbia po përballen me kërcënime dhe shantazhe që mund të krahasohen vetëm me ultimatumin austro-hungarez të vitit 1914.
“Na kërkohet të njohim Kosovën, të largohemi nga Republika Sërpska dhe të mos jemi vend dhe komb sovran duke vendosur sanksione ndaj Federatës Ruse.
Nëse do të pranonin ta bënin këtë, kërkesa e radhës do të ishte dëbimi i investimeve kineze, varësia e pakushtëzuar teknologjike dhe ekonomike nga perëndimi, si dhe vazhdimi i shpërbërjes politike dhe territoriale të Serbisë dhe pranimi i vlerave perëndimore në të cilat nuk ka vend për familjen dhe kombin tradicional dhe në fund as për drejtësi sociale”, ka shkruar Vulin.
Sondazh
Lexo gjithashtu
