Tirana
clear sky
1.5 ° C
1.5 °
1.5 °
80 %
1kmh
0 %
Mar
12 °
Mër
13 °
Enj
13 °
Pre
14 °
Sht
9 °
E hënë, 28 Nëntor, 2022

Vuçiç jep sinjale se do t’i pranojë targat RKS të Kosovës, kërkon që serbët e Veriut të udhëtojnë me dokumente të Serbisë

spot_img

Lajme të ngjashëm

Presidenti i Serbisë Aleksandër Vuçiç, sot ka lënë të kuptohet se do t’i pranojë targat RKS të Kosovës, megjithatë ka insistuar që për serbët e veriut të mos kërkohen dokumente për hyrje-dalje. Këto deklarata shefi i shtetit serb i ka bërë gjatë një organizimi në Serbi.

Teksa iu është përgjigjur gazetarëve, Vuçiç ka thënë se dy emisarët, Escobar dhe Lajçak i kanë kërkuar që të respektojë marrëveshjen e vitit 2011 për lirinë e lëvizjes. “Unë thash që jemi të gatshëm të respektojmë marrëveshjen.”

Më tej, ai ka thënë se marrëveshja për lirinë e lëvizjes referohet për vendet tranzite dhe jo për serbët që jetojnë në Kosovë. “Ju s’mund t’i ndaloni serbët që jetojnë në Kosovë e që kanë dokumente të Serbisë. Ne kërkojmë që ata të kenë të  drejtën të lëvizin me dokumenta të Serbisë”, ka thënë Vucic, shkruan N1.

Sipas presidentit serb, s’mund të negociohet për çështjen e tabelave meqë thotë se “është pothuajse e sigurt që s’do të ketë ndonjë progres”.

“Tabelat fillojnë të ndryshojnë nga 1 shtatori dhe afati është dy muaj. Imagjinoni çfarë tensione do të ketë në këta dy muaj. Nëse ne mund të zgjidhim të paktën çështjen e dokumenteve në mënyrë që serbët nga Kosova të mund të hyjnë dhe dalin në vijën administrative, gjithçka do të jetë më e lehtë”, u shpreh Aleksandër Vuçiç.

Më shumë




spot_img








spot_img