Ardit Hida është 24 vjeçari i cili vrau mbrëmjen e djeshme 28-vjeçarin Florenc Kovaçi dhe plagosi vëllain e këtij të fundit, Mikel Kovaçi, në Elbasan. Ai u arrestua nga policia pak pas krimit të rëndë në lagjen “Brigada e 17 Sulmuese”.
I riu goditi me thikë dy vëllezërit Kovaçi duke lënë të vdekur Florenc Kovaçin, ndërkohë që mbeti i plagosur vëllai i tij Mikel Kovaçi, i cili ndodhet në gjendje të rëndë në spital.
Mësohet se “mollë sherri” mes tyre ka qenë një vajzë, për të cilën janë konfliktuar disa të rinj, ku dhe janë përdorur armë të ftohta, të cilat kanë sjellë si pasojë vdekjen e 28- vjeçarit.