Gjykata e Krujës ka dënuar me 30 vite burg Agron Tufën, autori kryesor i ekzekutimit dhe groposjes në një parcelë me hashash të Kejsi Hysajt.
Ngjarja e rëndë ndodhi tre vite më parë, kur Hysaj i njohur edhe me emrat Eljon dhe Sahit, u ekzekutua nga Tufa, i cili në bashkëpunim me Hysni Ramajn e groposën në një parcelë me kanabis pranë Niklës.
Ramaj u vetëdorëzua në polici dhe rrëfeu krimin e rëndë, për të cilën u dënua me 20 vite heqje lirie. Nërsa Tufa, i cili është në arrati, u dënua sot me 30 vite burg.
Dyshohet se shkak i krimit të rëndë ishte bërë prishja e pazareve të drogës, por edhe dhënia e parave me fajde.