Skënder Krasniqi, i cili akuzohet për vrasjen e 82-vjeçarit Novruz Likometaj në vitin 2015 në Fier është arrestuar sërish.
Mamaja e 44-vjeçarit, Roza Krasniqi ka folur për mediat, ku deklaroi se djali i saj është i pafajshëm dhe po e mbajnë kot në burg.
Sipas saj, ata nuk kanë asnjë informacion se për çfarë provash është arrestuar sërish 44-vjeçari.
"Nuk kam asnjë informacion se përse djali është arrestuar këtë herë dhe kush janë provat që e akuzojnë sërish. Djali im është i pafajshëm dhe po e mbajnë në burg",- tha ajo.
Kujtojmë se Skënder Krasniqi është arrestuar në momentin e vrasjes së 82-vjeçarit, por është lënë i lirë pas 8 muajsh për mungesë provash.
Sondazh
Poll