Ka rënë në prangat e policisë Altin Ismajlisufi, i cili akuzohet si autori i dyshuar i ngjarjes së rëndë të ndodhur ditën e sotme në Tropojë, ku mbeti i vrarë Isat Goçi, 49 vjeç.
Policia njofton se gjatë kontrollit në banesë gjeti dhe sekuestroi armën e zjarrit, me të cilën autori kreu vrasjen.
Kujtojmë që pak orë më parë u vra Goçi nga bashkëfshatri i tij Ismajlisufi. Ende nuk dihen shkaqet që kanë çuar në këtë ngjarje të rëndë.
Njoftimi i policisë:
Kapet në kohë rekord autori i dyshuar i vrasjes së ndodhur në Çerem.
Shërbimet e Komisariatit të Policisë Tropojë falë reagimit në kohë, veprimeve të shpejta dhe profesionale, bënë të mundur kapjen e autorit të dyshuar shtetasin Altin Ismajlisufi.
Gjatë kontrollit në banesë, Policia gjeti dhe sekuestroi armën e zjarrit, me të cilën autori kreu vrasjen.
Autori i dyshuar po shoqërohet në Komisariatin e Policisë Tropojë, për veprime të mëtejshme.
Lexo edhe:EMRI/ATENTAT me armë zjarri në Tropojë, humb jetën 1 person