Vrasja e gjqytares Fildes Hafizi në qendër të Tiranës ditën e sotme ka sjellë reagime të forta në radhët e politikës shqiptare. Për këtë ngjarje të rëndë ka reaguar edhe ish ministri i Drejtësisë Ylli Manjani.
Nëpërmjet një statusi në rrjetet sociale Manjani shkruan se vrasja e gjyqtares Hafizi është një akt barbar dhe që përgjegjësit duhen gjetur përtej vrasësit.
“Na rrofshin edhe ligjet, gjykatat, policët, NGO, ministritë, deputetët, prokurorët, SPAK-erat e pesticide të tjera si këto! Nuk i duhen askujt!”, thotë Ylli Manjani.
Më poshtë reagimi i Ylli Mnajanit:
Lajm shokues!
Një zonjë, një nënë, një juriste dhe gjyqtare shumë e zonja humbi jetën nga dhuna barbare!
E humbi jetën pas një dhune permanente. Policia e Shtetit duhet ta dijë mirë këtë rast!
Fildesi ka qenë një studente ekselente. Përfundoi edhe Magistraturën shumë mirë.
Ishte një qytetare me rregulla dhe me moral e karakter të fortë!
Nuk ka më fjalë për këtë akt barbar!
Një provë tjetër e luftës ndërmjet Qytetarisë dhe Barbarisë! Qytetaria sot u godit rëndë!
Sistemi ligjor e shtetëror ende i trajton barbarët si qytetarë të barabartë! Kulmi i dështimit!
Shteti që nuk mbron qytetarinë është i rrezikshëm!
Na rrofshin, task-forcat; delta-forcat; forcat e armatosura se pikë force nuk kanë!!!
Na rrofshin edhe ligjet, gjykatat, policët, NGO, ministritë, deputetët, prokurorët, SPAK-erat e pesticide të tjera si këto! Nuk i duhen askujt!
Qytetarët dhunohen e vriten, barbarët gjykohen dhe shpëtojnë!
Nejse, ngushëllime të thella familjes!