Gjykata ka vendosur masën 'arrest me burg' për tre autorët e dyshuar për vrasjen e administratorit të Kotes, Argjil Gjoka.
Tre autorët e dyshuar për vrasjen janë të afërt me njëri tjetrin, të tre në moshë të re, akuzohen për vrasjen e Gjokës pas një sherri për pronën, ku administratori kishte ndërhyrë për të shuar konfliktin.
Personat e arrestuar janë Jaçe Bejtaj 30 vjeç, Namik Bejtaj 22 vjeç dhe 19-vjeçari Arif Bejtaj i cili mbeti i plagosur. Po ashtu nga ana e policisë është shpallur në kërkim shtetasi Mersin Bejta, 32 vjeç, banues në Vlorë dhe po punohet për kapjen e tij.
Këta shtetas në bashkëpunim me njëri-tjetrin për motive të dobëta kanë tentuar të vrasin me armë zjarri tip pistoletë dy vëllezërit Fatmir Osmënaj dhe Astrit Osmënaj, (70 dhe 65 vjeç), por pas ndërhyrjes për të shuar konfliktin humbi jetën Kryetari i Njësisë Administrative Kotëa