Gjykata e Lushnjes ka vendosur masën e sigurisë “arrest me burg” për vëllezërit Afrim dhe Marjo Hasalla, të cilët akuzohen për vrasjen e kushëririt të tyre Romeo Hasalla dhe plagosjen e Laert, Emiljano dhe Shaip Hasalla.
Ngjarja ndodhi pas një konflikti mes dy familjeve për një tokë bujqësore në Lushnje, ndërkohë që në polici është vetëdorëzuar edhe Kastriot Hasalla, i cili ishte arratisur pas ngjarjes. Ky i fundit ka pranuar krimin dhe ka kërkuar lirimin e djalit dhe vëllait, pasi pretendon se ka qëlluar vetë mbi Romeo Hasallën.
Romeo Hasalla ishte baba i dy fëmijëve dhe kishte vetëm pak ditë që kishte ardhur nga Greqia, ndërsa mësohet se familjet ishin në konflikt prej vitesh për tokën bujqësore.
Informacion paraprak/ Lushnjë
Arrestohet autori i tretë i ngjarjes së ndodhur në fshatin Garunjas, Lushnjë.
Në vijim të punës intensive dhe kontrolleve të pandërprera që prej mëngjesit të datës 29.07.2021 deri ditën e sotme, në banesa dhe në zona ku dyshohej se mund të ishte fshehur autori i tretë i ngjarjes së ndodhur në fshatin Garunjas, u bë arrestimi i shtetasit të shpallur në kërkim, K. H., 49 vjeç, banues në Garunjas, për veprat penale "Vrasje në rrethana cilësuese" e kryer në bashkëpunim dhe "Vrasje në rrethana cilësuese" e kryer në bashkëpunim, e mbetur në tentativë.
Materialet do i kalojnë Prokurorisë pranë Gjykatës së Shkallës së Parë Lushnjë, për veprime të mëtejshme.