Kryekomisioneri Ilirjan Celibashi tha se partitë politike dhe Kuvendi duhet të zbatojnë urdhrin e Gjykatës Kushtetuese për të garantuar ndryshimet ligjore në mënyrë që të bëhet i mundur votimi i emigrantëve. Në një deklaratë për mediat, Celibashi tha se nëse situata nuk ndryshon atëhere do të jetë e pamundur votimi i emigrantve në zgjedhjete parlamentare të 2025.
“Kuvendi dhe Partitë politike duhet të vendosin tani në lidhje me votën e emigrantëve. Jemi në dijeni të faktit të Gjykata Kushtetuese ka prodhuar një realitet të tillë që udhëzon Kuvendin në lidhje me këtë çështje. Nëse ky urdhërim i Gjykatës Kushtetuese nuk do të përmbushet, nuk hezitoj ta them që për zgjedhjet 2025 votuesit e diasporës nuk do të mund të votojnë atje ku kanë vendbanimin”, tha Celibashi.
Ndër të tjera Celibashi tha se partitë politike duhet të vendosin lidhur me të ardhmen e votimit elektronik. Sipas Celibashi votimi elektronik në 5 qarqet ku janë votuesit më të mëdhenj llogaritet në 22.6 milionë euro.
“Partitë politike dhe aktorë të tjerë duhet të vendosin tani në lidhje me të ardhmen e votimit elektronik. Nëse kanë interes ta shtrinë do të duhet të vendosin tani dhe do të duhet që fondet të vihen në dispozicion të KQZ-së sa më shpejt të jetë e mundur. Ka qenë një sfilitje nga çdo pikëpamje përgatitja e votimit elektronik për zgjedhjet e fundit lokale.
2.1 mln euro votimi nga jashtë, pa llogaritur kostot e votimit me postë, pasi varet nga kostot e sherbimit postar te vendit specific. Votimi elektronik brenda vendit kosto 22,6 milionë euro. Partitë politike duhet të vendosin bashkë më qeverinë nëse ja vlen nje votim i tillë apo jo. 22,6 milionë euro për votimin elektronik në disa prej bashkitë kryesore, 5 qarqe ku janë edhe votusit më të mëdhenj, si Tirana, Durrësi, Lezha, Fieri dhe Elbasani. Nëse shtrihet në gjithë territorin shkon rreth 30 milionë euro votimi elektronik”, tha Celibashi.
Sondazh
Lexo gjithashtu
