Një 28-vjeçar është arrestuar pasi u zbulua se vodhi në një kantier ndërtimi. Mirëpo gjatë kontrollit të policisë të riut nga Fieri iu gjet një armë zjarri automatik.
I arrestuari është -Marjus Zoga, 28 vjeç, banues në Roskovec.
Policia sqaron se në orët e para të mëngjesit, në vendin e quajtur “Jagodinë” Roskovec, në kantierën Nr.185, nga rojet e një Shoqërie Private të Sigurimit Fizik, është konstatuar vjedhja e një saldatriçe, 2 bombula gazi dhe një sasie nafte.
Nga hetimet e kryera, rezulton se shtetasi Marjus Zoga është autori i dyshuar i kësaj vjedhje.
Në lidhje me këtë ngjarje, gjatë kontrollit të banesës së këtij shtetasi, është gjetur dhe sekuestruar në cilësinë e provës materiale një armë zjarri automatik model 56, një krëhër automatiku me 17 copë fishekë.
Materialet i kaluan Prokurorisë pranë Gjykatës së Shkallës së Parë Fier për veprat penale “Vjedhje” dhe “Prodhimi dhe mbajtja pa leje e armëve dhe municionit luftarak” parashikuar nga Nenet 134 dhe 278 të Kodit Penal.
